20 oktyabr 2026
Azərbaycan Musiqi Mədəniyyəti Dövlət Muzeyində "Üçüncü Bahar" İctimai Birliyinin üzvləri ilə görüş keçirilib
2026-cı il Oktyabrın 20-də Azərbaycan Musiqi Mədəniyyəti Dövlət Muzeyində "Üçüncü Bahar" İctimai Birliyinin üzvləri ilə növbəti görüş keçirilib.
Tədbiri giriş sözü ilə Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova açaraq muzeyin yaranma tarixi, fəaliyyəti, kolleksiyaları və muzeyin nəzdində fəaliyyət göstərən Qədim Musiqi Alətləri Ansamblı haqqında ətraflı məlumat verib.
Daha sonra muzeyin bələdçisi Sevinc Şirinli tərəfindən qonaqlar üçün ekskursiya təşkil olunub. Ekskursiya zamanı iştirakçılar muzeyin zəngin ekspozisiyası, Azərbaycan musiqi mədəniyyətinin çoxəsrlik tarixi, görkəmli musiqi xadimlərinin həyat və yaradıcılığı, onlara məxsus şəxsi əşyalar, eləcə də milli musiqi irsimizi əks etdirən eksponatlarla tanış olublar.
Görüş iştirakçılar tərəfindən böyük maraqla qarşılanıb və səmimi ünsiyyət şəraitində başa çatıb.
 Tədbirlər
|
