24 iyun 2026
26 iyun - Silahlı Qüvvələr Günü
24 iyun 2026 - cı il tarixində Azərbaycan Musiqi Mədəniyyəti Dövlət Muzeyində 26 iyun - Azərbaycan Respublikasının Silahlı Qüvvələri Gününə həsr olunmuş tədbir keçirilmişdir.
Professor Məleykə Əhədzadənin rəhbərliyi və dirijorluğu ilə fəaliyyət göstərən "Grandioso" Kamera Orkestrinin müşayiəti ilə təşkil olunan tədbirdə gənc və peşəkar ifaçıların iştirakı ilə zəngin musiqi proqramı təqdim edilmişdir.
Tədbiri giriş sözü ilə muzeyin şöbə müdiri Əzirə Abdullayeva açaraq 26 iyun - Silahlı Qüvvələr Gününün tarixi əhəmiyyətindən, Azərbaycan Ordusunun keçdiyi şərəfli inkişaf yolundan və Vətənimizin müdafiəsində göstərdiyi qəhrəmanlıqlardan bəhs etmişdir.
Konsert proqramında vətənpərvərlik ruhunu tərənnüm edən və klassik musiqi nümunələrindən ibarət rəngarəng musiqi nömrələri səsləndirilmiş, ifalar tamaşaçılar tərəfindən böyük maraq və alqışlarla qarşılanmışdır.
 Tədbirlər
|
