3 aprel 2013
Azərbaycan Musiqi Mədəniyyəti Dövlət Muzeyinin Klassik Musiqi Həvəskarları Klubunda Ümummilli lider Heydər Əliyevin anadan olmasının 90 illiyinə həsr olunmuş gənc vokalçı, beynəlxalq müsabiqələr laureatı Ramil Qasımovun konserti
3 aprel 2013-cü il tarixində saat 18:00-da Azərbaycan Musiqi Mədəniyyəti Dövlət Muzeyinin Klassik Musiqi Həvəskarları Klubunda Ümummilli lider Heydər Əliyevin anadan olmasının 90 illiyinə həsr olunmuş silsilə tədbirlərin davamı olaraq gənc vokalçı, Beynəlxalq müsabiqələr laureatı Ramil Qasımovun konserti keçirilmişdir. Giriş sözü ilə Azərbaycan Musiqi Mədəniyyəti Dövlət Muzeyinin direktor müavini Təranə Qurbanova çıxış etmişdir.
Tədbirdə Ramil Qasımovun ifasında Azərbaycan xalq və bəstəkar mahnılarından ibarət geniş konsert proqramı, həmçinin onun operalardan ifasının videofraqmentləri təqdim olunmuşdur. Sonra Ramil Qasımov yaradıcılığı haqqında tamaşaçıları maraqlandıran sualları cavablandırmışdır.
Tədbirin iştirakçıları Bakı muzeylərinin əməkdaşları, Klassik Musiqi Həvəskarları Klubunun üzvləri, KİV-nin və televiziyanın nümayəndələri və və başqaları olmuşlar.
Konsertinin proqramı
İfa edir: Ramil Qasımov.
1. Xalq mahnısı “Ay sallanıb gələn yar”
Müşayət edir: Bakı Musiqi Akademiyasının tələbəsi Tural Qasımov
2.“Ahu kimi”
3. “Üç telli durna”
4. Rəşid Şəfəq. “Ana” operasından ariya. Eyniadlı dram əsərinin motivləri əsasında
İfa edir: müəllif
5. “İki əmi qızı”
Müşayət edir: Bakı Musiqi Akademiyasının tələbəsi Tural Qasımov
6. Cahangir Cahangirov. “Alagöz”
7. Vasif Adıgözəlov. “Qərənfil” romansı
 Tədbirlər
|
