21 iyul 2022
Bu gün Fransada yaşayan məşhur pianoçu, Azərbaycanın Əməkdar artisti, Fransa Ali Beynəlxalq Musiqi Akademiyasının direktoru, professor Adilə xanım Əliyevanın ad günüdür.
Adilə xanım Azərbaycan Musiqi Mədəniyyəti Dövlət Muzeyinin yaxın dostudur. Vətənə hər gəlişində muzeyimizi mütləq ziyarət edir, musiqisevərlərin görüşünə gəlir, muzeydə və filiallarımızda keçirilən tədbirlərdə həm tamaşaçı kimi, həm də ifaçı kimi yaxından iştirak edir.
Bu günlərdə Azərbaycan əsilli tanınmış musiqiçi Adilə Əliyeva Fransa Prezidenti Emmanuel Makronun 13 iyul 2022-ci il tarixli Fərmanı ilə ölkənin ən yüksək hərbi və mülki dövlət mükafatı olan “Fəxri Legion” ordeni ilə təltif olunmuşdur.
Azərbaycan Musiqi Mədəniyyəti Dövlət Muzeyi sevimli Adilə xanım Əliyevanı ad günü və yüksək “Fəxri Legion” ordeni ilə təltif olunması münasibətilə təbrik edir, ona möhkəm cansağlığı, böyük yaradıcılıq, ictimai və diaspor fəaliyyətində davamlı uğurlar arzu edir.
 Ümumi xəbərlərə
|
|
