3 mart 2022
3 MART TARİXİNDƏ “KARMEN” OPERASI İLK DƏFƏ TAMAŞAYA QOYULMUŞDUR.
1875-ci il 3 mart tarixində böyük fransız bəstəkarı Jorj Bizenin “Karmen” operası ilk dəfə Parisin "Komik opera" teatrında tamaşaya qoyulmuşdur. Həmin vaxtdan etibarən “Karmen” operası ən repertuarlı əsər kimi dünya səhnələrinin bəzəyi kimi qalır. Bu opera XIX əsrin opera realizminin zirvələrindən biridir, dünya mədəniyyətinə əvəzsiz tövhədir.
Böyük tamaşaçı rəğbəti qazanmış “Karmen” operası Azərbaycan Dövlət Akademik Opera və Balet Teatrının səhnəsində mütəmadi olaraq tamaşaya qoyulur.
Sizə Azərbaycan Musiqi Mədəniyyəti Dövlət Muzeyinin zəngin kolleksiyalarında Jorj Bizenin “Karmen” operasına aid saxlanılan və nümayiş olunan materiallardan bəzilərini, tamaşada istifadə olunan navaxanı və “dünyanın ən gözəl Karmeni” kimi tanınan opera müğənnisi, Xalq artisti Fatma Muxtarovanın (1893-1972) obrazda fotoşəkilləri, şalını təqdim edirik.
 Ümumi xəbərlər
|
