20 avqust 2021
XAN ŞUŞİNSKİ - 120
(20.08.1901-18.03.1979)
20 avqust Azərbaycan muğam sənətinin korifeylərindən biri, Qarabağ xanəndəlik məktəbinin görkəmli nümayəndəsi Xan Şuşinskinin doğum günüdür.
Bu münasibətlə Azərbaycan Musiqi Mədəniyyəti Dövlət Muzeyinin ekspozisiyasında Xan Şuşinskiyə aid materiallardan hazırlanmış sərgi nümayiş olunur. Xan Şuşinskinin həyat və yaradıcılığı haqqında muzeyin direktor müavini Təranə Zeynalovanın onlayn çıxışı təqdim olunur.
Muzeyin Qədim Musiqi Alətləri Ansamblının (bədii rəhbər, Respublikanın Xalq artisti Munis Şərifov) solisti, Respublikanın Əməkdar artisti Nuriyyə Hüseynova, Respublikanın Əməkdar artisti Davud Abdullayev (tar), Ceyhun Muradov (kamança) ifalarında Xan Şuşinskinin repertuarından "Qarabağ şikəstəsi" və ”Şuşanın dağları" mahnısını təqdim edirik.
 Tədbirlər
|
