16 mart 2021
Zakir Bağırov (16.03.1916 – 8.01.1996)
Bu gün tanınmış Azərbaycan bəstəkarı, Azərbaycanın əməkdar incəsənət xadimi, professor Zakir Cavad oğlu Bağırovun 105 yaşı tamam olur.
Zakir Bağırov Şuşada dünyaya gəlmişdir. 1931-ci ildə Azərbaycan Dövlət Konservatoriyası nəzdində fəhlə fakültəsində İ.Aysberqin fortepiano sinfində oxumuş, 1935-ci ildə Moskva Dövlət Konservatoriyası nəzdində musiqi texnikumunda təhsil almışdı. 1939-cu ildə P.İ.Çaykovski adına Moskva Dövlət Konservatoriyasına daxil olan Zakir heç iki ay keçməmiş ordu sıralarına hərbi xidmətə çağırılaraq təhsilini yarımçıq saxlamağa məcbur olur. 1939-cu ilən başlayaraq səkkiz il davam edən hərbi xidməti yalnız 1946-cı ildə Mancuriyada başa çatır. 1949-cu ildə Moskva Dövlət Konservatoriyasını bitirdikdən sonra Azərbaycan Dövlət Konservatoriyasıda müəllim(1949-1992), 1970-ci ildən isə musiqi nəzəriyyəsi kafedrasının müdiri işləmişdir.
Bəstəkar “Aygün”, “Qoca Xattabıç”operalarının, “Kəndimizin mahnısı”, “Qaynana” operettalarının, tar üçün
konsertlərin, xalq calğı alətləri ücün süitaların, kamera-instrumental əsərlərin, romansların, bir çox teatr
tamaşasına və kinofilmə musiqinin müəllifi olmuşdur.
Azərbaycan Musiqi Mədəniyyəti Dövlət Muzeyinin zəngin kolleksiyalarından sizə “Zakir Bağırov” virtual sərgisini təqdim edirik.
 Ümumi xəbərlər
|
