18 iyul 2020
MUSİQİ MUZEYİNİN İNCİLƏRİ
Qeyd etdiyimiz kimi, muzeydə Azərbaycan musiqisinin korifeyi, ilk Azərbaycan bəstəkarlarından biri Müslüm Maqomayevin (1885-1937, məşhur müğənni, SSRİ Xalq artisti Müslüm Maqomayevin babası) maraqlı sənədləri qorunub saxlanılır. Üzeyir Hacıbəyovla birgə o, 1904-cü ildə Qori şəhərində (Gürcüstan, Rusiya İmperiyası) Zaqafqaziya Müəllimlər Seminariyasını bitirmişdir. Seminariya tərəfindən ona verilmiş növbəti sənədi sizə təqdim edirik.
Müəllim Əbdül Müslüm Maqomayevə
Sizin Seminariyanın direktorunun adına bu ilin 9 iyul tarixli məktubunuzdakı xahişə uyğun olaraq bu gün sizin haqqınızda aşağıda qeyd olunan Bakı quberniyası və Dağıstan vilayətinin direktoruna zəmanət məktubu göndərilmişdir.
Direktor vəzifəsini icra edən O. Smirnov.
15 iyul 1905-ci il ¹ 576 Qori şəhəri, Tiflis Quberniyası.
Məktubu yazan Qolubyanin
Həyat yoldaşı Badıgül Camal Həsənağa qızıdır. Nigah 4 avqust 1906-cı ildə baş tutmuş və Tiflis şəhərində doğum haqqında kitabda (¹ 12) qeydə alınmışdır.
4 avqust 1906-cı il, Tiflis şəhəri
Tiflis sünnü məsçidinin mollası Molla N.Terequlov
 Tədbirlər
|
